Ashiq-aydinliqti ta'miyinlew ushin bemorlar arasinda anonim soraw o'tkerildi

Ma'kemede korrupsiyag'a qarsi gu'resiw, korrupsiyaliq jag'daylardin' aldin aliw ha'm medicina xizmetlerin ko'rsetiw barisinda ashiq-aydinliq ha'm a'dalatliliqti ta'miyinlew maqsetinde korrupsiyag'a qarsi gu'resiw ishki qadag'alaw bo'limi ta'repinen bemorlar arasinda anonim soraw o'tkerildi.

Sorawda bemorlardin' medicina xizmetlerinen razi boliw da'rejesi, medicina xizmetkerlerinin' qatnas ma'deniyati, xizmet ko'rsetiw sapasi, korrupsiyaliq jag'daylarg'a dus kelgen yaki kelmegeni ha'm bar ma'seleler boyinsha pikir ha'm usinislari u'yrenildi. Soraw anonim tu'rde sho'lkemlestirilgen bolip, og'an qatnasqan bemorlardin' jeke mag'liwmatlari talap etilmedi.

Alin'g'an juwaplar taldanip, medicina xizmetleri sapasin ja'ne de jaqsilaw, korrupsiyag'a baylanisli qa'wip-qaterlerdi aniqlaw ha'm olardin' aldin aliw ushin paydalaniladi. Soraw na'tiyjelerine ko're, bemorlardin' mu'ra'jaatlari, usinis ha'm pikirleri uliwmalastirildi ha'm aniqlan'g'an kemshiliklerdi joyiw boyinsha juwapker xizmetkerlerge tiyisli usinislar berildi.