Professor Sevilay Ozmen Markazda patologiya mutaxassisi sifatida ish boshladi

Professor Sevilay Ozmen Respublika ixtisoslashtirilgan onkologiya va radiologiya ilmiy-amaliy tibbiyot markazida patologiya mutaxassisi sifatida ish boshladi.

Ta'limi va akademik faoliyati

• 1986–1995-yillarda Atatürk universiteti Tibbiyot fakultetida tahsil olgan.
• 2002–2007-yillarda Atatürk universiteti Tibbiyot fakultetida tibbiy patologiya yo'nalishi bo'yicha mutaxassislik ta'limini (rezidentura) tamomlagan.
• 2017-yilda assistent-professor lavozimiga tayinlangan, 2021-yilda esa dotsent (Doçent) ilmiy unvoniga sazovor bo'lgan.
• Hozirda Atatürk universiteti Tibbiyot fakulteti Tibbiy patologiya kafedrasi professori sifatida akademik, ilmiy va pedagogik faoliyatini davom ettirmoqda.

Kasbiy tajribasi

Professor Ozmen patologiya sohasida 17 yildan ortiq klinik, ilmiy va pedagogik tajribaga ega.

Markazdagi asosiy faoliyat yo'nalishlari

• onkologik kasalliklarning gistologik va immunogistokimyoviy diagnostikasi;
• murakkab va bahsli morfologik holatlarni ekspert baholash;
• molekulyar patologiya, biomarkerlar va ekspressiya tahlillari;
• o'pka o'smalari, neyroendokrin karsinomalar va o'sma angiogenezi patologiyasi;
• diagnostika jarayoniga zamonaviy xalqaro standartlarni joriy etish;
• multidisiplinar konsiliumlarda ishtirok etish;
• patolog shifokorlar va yosh mutaxassislar uchun amaliy mashg'ulotlar hamda mahorat darslarini tashkil etish;
• ilmiy tadqiqotlar va xalqaro loyihalarni amalga oshirish.

Ilmiy faoliyati

Professor Ozmen 250 dan ortiq ilmiy ish muallifi bo'lib, xalqaro ilmiy jurnallar, professional uyushmalar va tadqiqot loyihalarida faol ishtirok etib kelmoqda.