Professor Sevilay Ozmen Orayda patologiya qánigesi sıpatında jumıs bastadı

Professor Sevilay Ozmen Respublika qánige onkologiya hám radiologiya ilimiy-ámeliy medicina orayında patologiya qánigesi sıpatında jumıs bastadı.

Bilimi hám akademiyalıq jumısı

• 1986–1995-jılları Atatürk universitetiniń Medicina fakultetinde bilim alǵan.
• 2002–2007-jılları Atatürk universitetiniń Medicina fakultetinde medicinalıq patologiya baǵdarı boyınsha qánigelik bilimin (rezidentura) tamamlaǵan.
• 2017-jılı assistent-professor lawazımına tayınlanǵan, al 2021-jılı dotsent (Doçent) ilimiy ataǵına iye bolǵan.
• Házir Atatürk universiteti Medicina fakulteti Medicinalıq patologiya kafedrasınıń professorı sıpatında akademiyalıq, ilimiy hám pedagogikalıq jumısın dawam ettirmekte.

Kásiplik tájriybesi

Professor Ozmen patologiya salasında 17 jıldan artıq klinikalıq, ilimiy hám pedagogikalıq tájriybege iye.

Oraydaǵı tiykarǵı jumıs baǵdarları

• onkologiyalıq keselliklerdiń gistologiyalıq hám immunogistoximiyalıq diagnostikası;
• quramalı hám dawlı morfologiyalıq jaǵdaylardı ekspert bahalaw;
• molekulalıq patologiya, biomarkerler hám ekspressiya tahlilleri;
• ókpe ısıqları, neyroendokrin karsinomalar hám ısıq angiogenezi patologiyası;
• diagnostika procesine zamanagóy xalıqaralıq standartlardı engiziw;
• multidisiplinar konsiliumlarda qatnasıw;
• patolog shıpakerler hám jas qánigeler ushın ámeliy shınıǵıwlar hám sheberlik sabaqların shólkemlestiriw;
• ilimiy izertlewler hám xalıqaralıq joybarlardı ámelge asırıw.

Ilimiy jumısı

Professor Ozmen 250 den artıq ilimiy jumıstıń avtorı bolıp, xalıqaralıq ilimiy jurnallar, kásiplik birlespeler hám izertlew joybarlarında belsene qatnasıp kelmekte.