13 Avg 2026
Professor Brayan Tyudor ko'krak bezi va bachadon bo'yni saratoni bo'yicha seminar o'tkazdi
AQSh mutaxassisi professor Brayan P. Tyudor 6-12-avgust kunlari ko'krak bezi va bachadon bo'yni saratonini tashxislash va davolash bo'yicha ilmiy-amaliy seminar o'tkazdi, 13-14-avgust kunlari esa Markazning Xorazm filialiga tashrif buyurdi.
O'zbekiston Respublikasida ko'krak bezi va bachadon bo'yni saratonini tashxislash hamda davolash sifatini oshirish loyihasi doirasida xalqaro mutaxassis-ekspert, professor Brayan P. Tyudor (Brian P. Tudor, MD, AQSh) ishtirokida 6, 7, 10, 11 va 12-avgust kunlari ilmiy-amaliy seminar o'tkazildi.
Seminar doirasida muhokama qilindi
- ko'krak bezi va bachadon bo'yni saratonini zamonaviy tashxislash, bosqichlash va davolash;
- klinik holatlarni xalqaro ekspert ishtirokida tahlil qilish;
- multidisiplinar jamoa faoliyatini takomillashtirish;
- mammografiya, patomorfologik va nurli diagnostika, dori vositalari bilan davolash hamda nur terapiyasi;
- bemorlarni yo'naltirish va klinik bo'linmalar o'rtasidagi hamkorlik;
- xalqaro klinik tavsiyalar va dalillarga asoslangan tibbiyot tamoyillarini amaliyotga tatbiq etish.
13-14-avgust kunlari professor Tyudor boshchiligidagi bir guruh mutaxassislar Markazning Xorazm filialiga tashrif buyurishdi va filialning klinik hamda diagnostik bo'linmalari, hududda onkologik yordam ko'rsatish tizimi bilan tanishdilar. Onkoxirurglar, onkomammologlar, onkoginekologlar, kimyoterapevtlar, radiologlar va patomorfologlar ishtirokida multidisiplinar konsilium (MDT) yig'ilishlari o'tkazilib, tashxislash, bosqichlash va davolash bo'yicha amaliy tavsiyalar berildi.