07 Avg 2026
Navoiy filiali mutaxassislari tuman tibbiyot birlashmalarida amaliy tashrifda
Markazning Navoiy viloyati filiali yetakchi mutaxassislari onkologik kasalliklarni erta aniqlash va skriningni kuchaytirish maqsadida Tomdi, Uchquduq, Zarafshon va Qiziltepa tibbiyot birlashmalarida amaliy-uslubiy tashriflar o'tkazdi.
O'zbekiston Respublikasi Prezidentining PQ-402 va PQ-5130-son qarorlari ijrosini ta'minlash, onkologik kasalliklarni erta aniqlash tizimini takomillashtirish va skrining dasturlari samaradorligini oshirish maqsadida Markazning Navoiy viloyati filiali yetakchi mutaxassislari Tomdi, Uchquduq va Zarafshon tibbiyot birlashmalarida hamda Qiziltepa tuman tibbiyot birlashmasida amaliy-uslubiy tashriflar amalga oshirdilar.
Hududlardagi shifokorlar va o'rta tibbiyot xodimlari ishtirokida o'quv-amaliy seminarlar tashkil etilib, onkologik kasalliklarning erta belgilari, xavf omillari, aholini skrining tekshiruvlariga keng jalb etish, bemorlarni to'g'ri saralash va ixtisoslashtirilgan davolash muassasalariga o'z vaqtida yo'llanma berish masalalari muhokama qilindi.
Mutaxassislar tomonidan bemorlar chuqurlashtirilgan ko'rikdan o'tkazilib, murakkab klinik holatlar konsilium tartibida ko'rib chiqildi va keyingi davolash taktikasi belgilab berildi.
Bunday tashriflar hududlarda onkologik hushyorlikni oshirish, skrining dasturlari qamrovini kengaytirish va aholiga ko'rsatilayotgan ixtisoslashtirilgan tibbiy xizmat sifatini yanada yaxshilashga xizmat qiladi.