06 Avg 2026
Dr. Mai Barakat sifat va bemorlar xavfsizligi bo'yicha rahbar etib tayinlandi
Markaz sifat nazorati, bemorlar xavfsizligi va klinik boshqaruv yo'nalishiga xalqaro tajribaga ega mutaxassis Dr. Mai Barakatni rahbar etib tayinladi. U 2026-yil 3-avgustdan faoliyatini boshladi.
Respublika ixtisoslashtirilgan onkologiya va radiologiya ilmiy-amaliy tibbiyot markazida sifat nazorati, bemorlar xavfsizligi va klinik boshqaruv bo'yicha rahbar lavozimiga xalqaro tajribaga ega mutaxassis — Dr. Mai Barakat tayinlandi. U 2026-yil 3-avgustdan o'z faoliyatini boshladi.
Dr. Mai Barakat bundan avval Gustave Roussy International – Egypt markazida sifat va bemorlar xavfsizligi yo'nalishiga rahbarlik qilgan. Shuningdek, Qohiradagi birinchi Gustave Roussy International shifoxonasida Gustave Roussy Quality Manual 1 asosida zamonaviy sifat tizimini joriy etish jarayonini boshqargan.
Ustuvor vazifalar
- Gustave Roussy xalqaro standartlarini joriy etish
- JCI xalqaro akkreditatsiyasini qo'lga kiritish
- bemorlar xavfsizligini yanada mustahkamlash
- sifat menejmenti va klinik boshqaruv tizimini takomillashtirish
Ushbu tayinlov Markaz faoliyatini xalqaro standartlar asosida rivojlantirish, tibbiy xizmat sifatini yangi bosqichga olib chiqish va har bir bemor uchun yanada xavfsiz klinik muhit yaratish yo'lidagi muhim qadamdir.