06 Okt 2026
Qubla Koreyanıń Myongji Hospital delegaciyası orayımızdıń ekspertleri menen ushırasadı
2026-jıl 8-oktyabrde Qubla Koreyanıń Myongji Hospital shıpakerler delegaciyası Gustave Roussy International Uzbekistan medicina orayınıń ekspertleri menen ushırasıp, gastroenterologiya, emlew endoskopiyası hám gepatopankreatobiliar xirurgiya boyınsha klinikalıq tájiriybe almasadı.
Respublikalıq ixtisoslastırılğan onkologiya hám radiologiya ilimiy-ámeliy medicina orayında — Gustave Roussy International Uzbekistan medicina orayında Qubla Koreyanıń Myongji Hospital shıpakerler delegaciyası menen ushırasıw ótkeriledi.
- Sáne: 2026-jıl 8-oktyabr, piyshembi
- Waqıt: 10:00–13:00
Delegaciya aǵzaları
- Professor Kim Jong-yeon — gastroenterolog, awqat sińiriw sisteması kesellikleri hám emlew endoskopiyası boyınsha mamán.
- Professor Jin-Ho Jeong — xirurg, bawır, ót jolları hám asqazan astı bezi xirurgiyası hám laparoskopiyalıq operaciyalar boyınsha mamán.
Ushırasıwdıń tiykarǵı maqseti — gastroenterologiya, emlew endoskopiyası hám gepatopankreatobiliar xirurgiya baǵdarlarında ilǵar klinikalıq tájiriybe almasıw, házirgi zaman diagnostika hám emlew usılların talqılaw hám keleshektegi hámkorlıq baǵdarların belgilew.
Ushırasıw baǵdarlamasi
- 10:00–10:15 — delegaciyanı qarsı alıw hám qatnasıwshılar menen tanıstırıw.
- 10:15–11:00 — gastroenterologiya bóliminiń jumısı menen tanısıw.
- 11:00–11:45 — xirurgiya bóliminiń jumısı menen tanısıw.
- 11:45–12:50 — professor Kim Jong-yeon hám professor Jin-Ho Jeong qatnasıwındaǵı dóńgelek stol: klinikalıq tájiriybe almasıw hám hámkorlıq perspektivalarin talqılaw.
- 12:50–13:00 — ushırasıw juwmaqları hám ulıwma suwretke túsiw.
Bul ushırasıw eki mámleket ekspertleri ortasındaǵı kásiplik baylanıslardı bekkemlewge, ilǵar medicinalıq tájiriybeni úyreniwge hám birgeliktegi ilimiy hám bilimlendiriw joybarların rawajlandırıwǵa baǵdarlanǵan áhmiyetli qádem boladı.