Qıtaydıń emshek bezi ráki boyınsha jetekshi ekspertleri Orayımızǵa keledi

Respublikalıq ixtisoslastırılğan onkologiya hám radiologiya ilimiy-ámeliy medicina orayında — Gustave Roussy International Uzbekistan orayında emshek bezi rákin diagnostikalaw hám emlew tarawındaǵı Qıtaydıń jetekshi ekspertleri delegaciyası menen ushırasıw ótkeriledi.

Delegaciya quramına Qıtay Milliy onkologiya orayı, Henan Cancer Hospital, Peking University Cancer Hospital Inner Mongolia Hospital hám Qıtaydıń basqa jetekshi medicinalıq mekemeleriniń basshıları hám professorları kirgen. Medicinalıq onkologiya, emshek bezi xirurgiyası hám nur terapiyası baǵdarlarınıń jetekshi ekspertleri qatnasadı.

Ushırasıw baǵdarlaması

• professor Ma Fei «Qıtaydıń emshek bezi rákine qarsı milliy baslaması: sapa, standartlar hám innovaciyalar» temasında bayanat jasaydı;
• Ózbekstanda emshek bezi rákiniń aldın alıw, diagnostikalaw hám emlewdiń házirgi zaman jantasıwların talqılaw;
• Ózbekstan hám Qıtay ortasında birgeliktegi ilimiy izertlewler alıp bariw hám grant joybarların ámelge asırıw imkaniyatların kórip shıǵıw;
• emlew sapasın asırıw, shıpakerlerdi tayarlaw hám klinikalıq potencialdı rawajlandırıw máselelerine arnalǵan dóńgelek stol;
• Oraydıń klinikalıq bólimshelerine kelip kóriw.

Ushırasıw dawamında birgeliktegi ilimiy joybarlardı rawajlandırıwǵa, shıpakerler ushın bilimlendiriw baǵdarlamaların shólkemlestiriwge, emshek bezi rákin emlew sapasın qadaǵalaw sistemasın jetilistiriwge hám eki mámleket ekspertleri ortasındaǵı uzaq múddetli hámkorlıqtı bekkemlewge ayrıqsha itibar qaratıladı.

Bul ushırasıw xalıqaralıq hámkorlıqtı rawajlandırıw, ilǵar tájiriybe almasıw hám házirgi zaman jantasıwlardı onkologiyalıq járdem ámeliyatına engiziw jolındaǵı jáne bir áhmiyetli qádem boladı.