Markaz delegatsiyasi Pekindagi SwanX China Oncology Week tadbirida ishtirok etmoqda

Respublika ixtisoslashtirilgan onkologiya va radiologiya ilmiy-amaliy tibbiyot markazi hamda xalqaro Gustave Roussy International O‘zbekiston tibbiyot markazi 20-sentyabr kuni Xitoyning SwanX Onkologiya haftasida ishtirok etmoqda. 2026-yil 20-sentyabr kuni Pekinda o‘tkazilayotgan «SwanX China Oncology Week» doirasida markazimiz delegatsiyasi ishtirok etmoqda.

Markazning ishtiroki

• Markaz direktorining Rejalashtirish va jamoat salomatligi bo‘yicha o‘rinbosari, D.M. Egamberdiyev xalqaro ilmiy tashkilot tashabbusi muhokamasida ishtirok etib, sut bezi saratonini nazorat qilishda sifat nazorati (Quality Control) tizimlarining ahamiyati va bu boradagi xalqaro hamkorlik istiqbollari yuzasidan fikr almashdi.
• Markaz Torakal onkologiya bo‘limi rahbari, professor A.A. Yusupbekov dasturda ishtirok etmoqda va jahon miqyosidagi yetakchi Cancer Innovation jurnalida nashr etish imkoniyatlari hamda uning «Bir Kamar — Bir Yo‘l» mamlakatlari uchun xalqaro ilmiy hamkorlikni kengaytirishdagi o‘rni bo‘yicha muzokaralarda qatnashadi.

Tadbir Xitoy Tibbiyot Fanlari Akademiyasi Milliy Saraton Markazi professori Ma Fei rahbarligida tashkil etilgan bo‘lib, Yevroosiyo va Osiyo mamlakatlaridan yetakchi onkolog-mutaxassislarni bir davrada jamlaydi. Dastur davomida sut bezi saratonini erta aniqlash, davolashning to‘liq bosqichlari bo‘yicha boshqaruv, innovatsion dori vositalari va aniq diagnostika texnologiyalari muhokama qilinadi.

Xalqaro hamkorlik va ilm-fan sohasidagi bunday tashabbuslar mintaqamizda saraton kasalliklariga qarshi kurashning sifat va samaradorligini oshirishga xizmat qiladi.