Onkologiyada sun'iy intellekt: Mindray delegatsiyasi markazga tashrif buyurdi

Respublika ixtisoslashtirilgan onkologiya va radiologiya ilmiy-amaliy tibbiyot markaziga Mindray kompaniyasi delegatsiyasi tashrif buyurdi. Tashrifdan asosiy maqsad — sun'iy intellekt asosidagi zamonaviy tibbiy jihoz va texnologiyalarni onkologiya sohasida amaliyotga joriy etish, diagnostika imkoniyatlarini kengaytirish hamda tibbiy xizmatlar sifatini yanada oshirishdan iborat.

Uchrashuv davomida onkologik kasalliklarni erta va aniq tashxislashda zamonaviy texnologiyalardan foydalanish, sun'iy intellekt imkoniyatlari, ilg'or diagnostika uskunalari hamda ularni klinik amaliyotga tatbiq etish masalalari muhokama qilindi.

Tomonlar kelgusidagi hamkorlik yo'nalishlari, zamonaviy tibbiy texnologiyalarni markaz faoliyatiga joriy etish va mutaxassislar o'rtasida tajriba almashish bo'yicha fikr almashdilar. Mazkur tashrif onkologiya sohasida innovatsion texnologiyalarni rivojlantirish va xalqaro hamkorlikni mustahkamlash yo'lidagi muhim qadamdir.