Onkologiyada jasalma intellekt: Mindray delegatsiyasi orayg'a keldi

Respublika qa'nige onkologiya ha'm radiologiya ilim-a'meliy medicina orayina Mindray kompaniyasinin' delegatsiyasi keldi. Saparinin' tiykarg'i maqseti — jasalma intellekt tiykarindag'i zamanago'y medicina u'skeneleri ha'm texnologiyalarin onkologiya salasinda a'meliyatqa engiziw, diagnostika mu'mkinshiliklerin ken'eytiw ha'm medicina xizmetleri sapasin ja'ne de arttiriw.

Ushirasiw dawaminda onkologiyaliq keselliklerdi erte ha'm aniq aniqlawda zamanago'y texnologiyalardan paydalaniw, jasalma intellekt mu'mkinshilikleri, ilgerilenken diagnostika u'skeneleri ha'm olardi klinikaliq a'meliyatqa engiziw ma'seleleri dodalandi.

Ta'repler keleshektegi birge islesiw bag'darlari, zamanago'y medicina texnologiyalarin oray jumisina engiziw ha'm qa'nigeler arasinda ta'jiriybe almasiw boyinsha pikir almasti. Bul sapar onkologiya salasinda innovatsiyaliq texnologiyalardi rawajlandiriw ha'm xaliqaraliq birge islesiwdi bekkemlew jolindag'i a'hmiyetli qa'dem.