Markazga tibbiy onkolog Javid Hasanzade qo'shildi

Markazimiz jamoasiga tibbiyot fanlari bo'yicha falsafa doktori (PhD), tibbiy onkolog Javid Hasanzade qo'shildi. U onkologik kasalliklarni tashxislash, davolash va bemorlarni kuzatib borishda 28 yildan ortiq xalqaro klinik tajribaga ega yuqori malakali mutaxassisdir.

Uning asosiy klinik yo'nalishlari:

• ko'krak bezi saratoni
• tuxumdon saratoni
• prostata bezi saratoni
• o'pka saratoni
• me'da saratoni
• ingichka ichak saratoni
• yo'g'on ichak saratoni
• to'g'ri ichak saratoni
• jigar saratoni
• me'da osti bezi saratoni

Zamonaviy davolash yo'nalishlari molekulyar-genetik onkologiya, onkologik kasalliklar immunoterapiyasi va target terapiyani qamrab oladi.

Doktor Hasanzade Turkiya, Ozarbayjon va Qozog'istonning nufuzli ilmiy markazlari va klinikalarida faoliyat yuritgan: Ozarbayjon Milliy onkologiya markazi, Chukurova universiteti (Adana, Turkiya), Gence International Hospital (Ozarbayjon), Medicana International Hospital (Istanbul, Turkiya) hamda Orhun Medical Group (Olmaota, Qozog'iston). Shuningdek, u Turkiyadagi Healthis Assistance kompaniyasida tibbiy direktor lavozimida ishlagan.