Pushti oktyabr — 2026: kókirek bezi rak kesselligin erte anıqlawǵa arnalǵan ashıq esikler kúni

Oktyabr — kókirek bezi rakı haqqında xabardarlıqtı asırıwdıń xalıqaralıq ayı sheńberinde Respublika qánigelestirilgen onkologiya hám radiologiya ilimiy-ámeliy medicina orayı — Gustave Roussy International Uzbekistan medicina orayında kókirek bezi rak kesselligin erte anıqlawǵa arnalǵan ashıq esikler kúni shólkemlestiriledi.

Is-ilaj 2026-jıl 14-oktyabrde saat 10:00 den 14:00 ge shekem Tashkent qalasındaǵı Orayda ótedi. Ol onkologiya hám kókirek bezi awırıwları boyınsha jetekshi qánigelerdi, ǵalaba xabar qurallarınıń wákillerin, jurnalistlerdi, blogerlerdi, hayal-qızlar birlespeleri menen jámááatlarin, jámiyetlik shólkemlerdi, sonıń menen birge hayal-qızlar densawlıǵına biyparq bolmaǵan barshanı bir maydanǵa jıynaydı.

Arnawlı shaqırılǵan xalıqaralıq ekspert — Túrkiyadaǵı kókirek bezi awırıwları boyınsha belgili qánige, professor Fatih Aydoğan. Ol kesellikti erte anıqlaw, zamanagóy diagnostika hám emlew usılları boyınsha bay kásiplik tájiriybesi menen bólisedi. Is-ilajdıń moderatorı — Gustave Roussy International Uzbekistan medicina orayınıń qánigesi, professor Sevilay Özmen.

Is-ilajdıń oraylıq teması — kókirek bezi rak kesselligin erte anıqlaw hám hayal-qızlardıń turaqlı profilaktikalıq tekseriwlerden ótiw zárúrligi. Baǵdarlama sheńberinde:

• kókirek bezi rakı boyınsha áhmiyetli statistikalıq maǵlıwmatlar usınıladı;
• erte diagnostikanıń zamanagóy múmkinshilikleri bayan etiledi;
• skrining hám profilaktikalıq check-up tekseriwleriniń áhmiyeti dodalanadı;
• kesellikti kesh anıqlawǵa alıp keletuǵın sebepler analizlenedi;
• jas hám jeke qáwip faktorlarına muwapıq tekseriwlerden ótiw boyınsha usınıslar beriledi;
• shıpakerlar, ǵalaba xabar qurallarınıń wákilleri hám jámiyet arasında ashıq sáwbet shólkemlestiriledi.

Qánigeler shıpakerge tek belgiler payda bolǵanda ǵana emes, al usınıs etilgen múddetlerde turaqlı túrde múrájat etiwdiń nelikten zárúr ekenin túsindiredi. Isenimli medicinalıq maǵlıwmatlardı keń jámááatshilikke jetkeriwde ǵalaba xabar quralları, blogerler, hayal-qızlar jámááatları hám jámiyetlik shólkemler ayrıqsha orın tutadı.

Tiykarǵı shaqırıq ápiwayı: belgilerdiń payda bolıwın kútpeń hám tekseriwdi keshiktirmeń. Kesellikti óz waqtında anıqlaw kerekli emlewdi erte baslaw múmkinshiligin beredi. Pushti oktyabr — eń áhmiyetli haqıyqattı taǵı bir márte eske salıw ushın múmkinshilik: erte diagnostika ómirdi saqlap qalıwı múmkin.