Professor Sevilay Özmen bilan o‘pka adenokarsinomalarining pattern-tahlili seminari

Respublika ixtisoslashtirilgan onkologiya va radiologiya ilmiy-amaliy tibbiyot markazi hamda xalqaro Gustave Roussy International O‘zbekiston tibbiyot markazida o‘pka o‘smalarining morfologik diagnostikasiga bag‘ishlangan «O‘pka adenokarsinomalarining pattern-tahlili» mavzusida navbatdagi ilmiy-amaliy seminar o‘tkaziladi.

Tafsilotlar

• Spiker: professor, doktor Sevilay Özmen
• Sana: 2026-yil 2-oktabr, juma
• Boshlanish vaqti: soat 15:00
• Manzil: Markazning 3-qavati, konferensiyalar zali

Seminarning asosiy maqsadi — o‘pka adenokarsinomalarining gistologik tuzilishini zamonaviy mezonlar asosida baholash, yetakchi va qo‘shimcha patternlarni aniqlash, differensial diagnostikani takomillashtirish hamda morfologik xulosalarni standartlashtirishdan iborat.

Seminarda yoritiladigan masalalar

• o‘pka adenokarsinomalarining asosiy gistologik patternlari
• yetakchi va qo‘shimcha o‘sma komponentlarini aniqlash
• differensial diagnostikaning muhim mezonlari
• morfologik xulosalarni xalqaro talablarga muvofiq standartlashtirish
• gistologik tuzilishning kasallik prognozi va davolash taktikasini belgilashdagi o‘rni
• murakkab diagnostik holatlarda multidisiplinar yondashuvning ahamiyati

Taklif etiladiganlar

• patologlar va patomorfologlar
• onkologlar va kimyoterapevtlar
• torakal jarrohlar
• pulmonologlar
• radiologlar va nur diagnostikasi mutaxassislari
• molekulyar diagnostika va laboratoriya mutaxassislari
• klinik ordinatorlar, magistrlar va talabalar
• sohaga qiziquvchi barcha mutaxassislar

Seminar zamonaviy morfologik yondashuvlarni chuqur o‘rganish, murakkab diagnostik holatlarni muhokama qilish va mutaxassislar o‘rtasida amaliy tajriba almashish uchun muhim ilmiy maydon bo‘lib xizmat qiladi.

Barcha mutaxassislarni seminarda faol ishtirok etishga taklif qilamiz.

Markaz ma’muriyati