08 Yan 2026
Olmazor tumanida navbatdagi tibbiy ko'rik o'tkazildi
Olmazor tumani Shodiyona mahallasida 70 dan ortiq aholi ixtisosli shifokorlar tomonidan tibbiy ko'rikdan o'tkazildi va birlamchi konsultasiyalar berildi.
O'tgan oy oxirida Olmazor tumani Shodiyona mahallasida aholining tibbiy tekshiruvi amalga oshirildi.
Markazning turli ixtisosli shifokorlari — ginekolog, mammolog, dermatoonkolog, urolog va umumiy onkolog — bu tadbirda faol ishtirok etdi.
70 nafardan ortiq aholi tibbiy ko'rikdan o'tkazilib, ularga birlamchi konsultasiyalar berildi. Kerakli hollarda, chuqurlashtirilgan diagnostika talab qilinadigan bemorlar onkologiya markaziga yo'llanmalar oldi.
Muassasa bu turdagi mahalla faoliyatlarini doimiy ravishda davom ettirish rejasida. Asosiy maqsadlar — aholi orasida onkologik sog'liqni saqlashning ahamiyatini targ'ib qilish, profilaktika choralariga e'tibor berish, hamda dastlabki bosqichda onkologik kasalliklarni aniqlashdan iborat.