Sirdaryo viloyati onkologiya filialida zamonaviy palliativ bo‘lim ochildi

Respublika ixtisoslashtirilgan onkologiya va radiologiya ilmiy-amaliy tibbiyot markazining Sirdaryo filialida zamonaviy va shinam palliativ bo‘lim ochildi. Bo‘limning ochilish marosimi kecha bo‘lib o‘tdi.

Yangi bo‘limda bemorlarga sifatli tibbiy yordam ko‘rsatish, ularning hayot sifatini yaxshilash hamda zarur parvarish uchun barcha qulay sharoitlar yaratilgan. Bo‘limning faoliyat boshlashi onkologik bemorlarga ko‘rsatilayotgan tibbiy yordam sifatini yanada oshirishga xizmat qiladi.