17 Avg 2026
Tibbiy patologiya yo'nalishida Prof. Dr. Sevilay Ozmen bilan xalqaro hamkorlik
Markazda Ataturk universiteti Tibbiyot fakulteti Tibbiy patologiya kafedrasi professori Prof. Dr. Sevilay Ozmen ishtirokida zamonaviy patologik diagnostikaga bag'ishlangan o'quv mashg'uloti o'tkazildi.
Tibbiy patologiya yo'nalishida navbatdagi o'quv mashg'uloti yuqori saviyada tashkil etildi. Unda tajribali mutaxassis, Ataturk universiteti Tibbiyot fakulteti Tibbiy patologiya kafedrasi professori Prof. Dr. Sevilay Ozmen ishtirok etib, jamoamiz bilan birgalikda zamonaviy patologik diagnostika masalalarini muhokama qildi.
Uchrashuv davomida patologik preparatlarni baholash, klinik ma'lumotlarni morfologik topilmalar bilan uyg'unlashtirish, diagnostik yondashuvlar hamda zamonaviy patologiyaning amaliy jihatlari bo'yicha fikr almashildi.
Prof. Dr. Sevilay Ozmenning patologiya sohasidagi ilmiy va pedagogik faoliyati, shuningdek, turli patologik yo'nalishlarda ta'lim berish tajribasi ushbu hamkorlikning ilmiy-amaliy ahamiyatini yanada oshiradi.