Юртимиз тинч, осмонимиз мусаффо ва тан сиҳатлик бўлсин

Дунё янгиликлари билан танишган одам энг буюк неьмат бу тинчлик, осойишталик ва албатта саломатлик эканини чин қалбидан хис этади. Юртимизнинг барча мўйсафид қариялари дуоларида тилга оладиган “Юртимиз тинч, осмонимиз мусаффо ва тан сиҳатлик бўлсин” деган гаплари қанчалик чуқур маънога эгалигини тушуниш қийин эмас. Тахликали замонда, бизнинг кўп миллатли Ўзбекистонимизнинг осойишта хаёти ва хотиржамлигини кўролмайдиган кимсалар борлигини шу кунларда Қорақалпоғистон Республикасида уюштирилган ноқонуний намойишлар тимсолида кўрсак бўлади. Тарихдан хабардор инсонлар яхши билишади, буюк давлатнинг ташқи таъсир орқали енгилмаслигининг сабаби бу аввало халқининг ахиллигидир. Шуни билган ғараз ниятли кимсалар неча асрдан буён дўст бўлган қорақалпоқ ва ўзбек аҳлининг дўстлигини издан чиқаришга уринаётганликларига гувох бўлдик.
Ишончим комилки, бўлиб ўтган тушунмовчиликлар бизнинг дўстлигимизга ва тиббиёт йўлида доимгидек елкама-елка фаолият олиб боришимизга путур етказмайди.
Мен Республика онкология илмий маркази раҳбари сифатида марказнинг Нукус филиалидаги хамкасбларим билан биргаликда олдимизга қўйган мақсадларимиз яъни, 2022 йилда – 100 та шунингдек, 2023-2024 йилларда – 200 та юқори технологияли каминвазив жарроҳлик амалиётларни татбиқ этишга албатта ишонаман.

Онкология ва тиббий радиология
илмий-амалий тиббиёт маркази директори
М.Н.Тиллашайхов

Orqaga qaytish