Poliklinika

Maslahat Poliklinikasi

Bo‘lim mudiri: Tuyev X.N.

RIO va RIATM Maslahat Poliklinikasi Respublika Onkologiya Markazining muhim bo‘g‘inlaridan biri bo‘lib, bemorlarga zamonaviy tibbiy standartlar asosida malakali maslahat va diagnostik xizmatlar ko‘rsatadi. Poliklinika faoliyati bemorlarni erta aniqlash, to‘g‘ri tashxis qo‘yish va samarali davolash yo‘nalishiga o‘z vaqtida yo‘naltirishga qaratilgan.

Asosiy faoliyat yo‘nalishlari

Maslahat poliklinikasiga murojaat qilgan barcha bemorlarga tajribali va yuqori malakali shifokorlar tomonidan xizmat ko‘rsatiladi. Har bir bemor individual yondashuv asosida ko‘rikdan o‘tkazilib, aniqlangan tashxisga muvofiq tegishli mutaxassisga yo‘naltiriladi.

Poliklinika radiodiagnostika bo‘limi bilan uzviy hamkorlikda ishlaydi, bu esa kasalliklarni aniqlashda aniqlik va tezkorlikni ta’minlaydi.

Diagnostika va tekshiruvlar

Bemorlarni aniq tashxislash maqsadida quyidagi zamonaviy tekshiruv va tadqiqotlar amalga oshiriladi:

• UZD (ultratovush diagnostikasi)

• MRT (magnit-rezonans tomografiya)

• MSKT va KT

• KDL (kliniko-diagnostik laboratoriya tekshiruvlari)

• EKG va EXO

• Patomorfologik tekshiruvlar

Maslahat poliklinikasida yuqori malakali mutaxassislar tomonidan ko‘rik va maslahatlar beriladi.

• Statsionar bo‘limlar bilan hamkorlik

Maslahat poliklinikasi statsionar bo‘limlar bilan ham yaqin hamkorlikda faoliyat yuritadi. Bemorlar to‘g‘ridan to‘g‘ri statsionar bo‘limlarga yotqizilib, davolash jarayoni uzluksiz davom ettiriladi.

Statistik ko‘rsatkichlar

Maslahat poliklinikasida oyiga o‘rtacha 5 783 nafar bemor ro‘yxatdan o‘tadi. Kuniga esa 600–800 nafar bemor tibbiy maslahat va ko‘rik uchun murojaat qiladi. Bu ko‘rsatkichlar poliklinikaning aholiga bo‘lgan yuqori ishonchi va talabini yaqqol ko‘rsatadi.